ఎడబాటు

ఎడబాటు  

ఎడబాటు  తీరబోతోందన్న భావాన్ని 

తడబడుతూ కూడా 

ఎంతందంగా  చెప్పగలదా నది.

********

  సీమంతం

తన మీది చిటారు కొమ్మకు సీమంతమంటూ 

ఎండుటాకుల శుభలేఖలొదిలెనా  మాను అడవి సెలయేటిలో 

అందుకున్నదే తడవు ఆ ఏరు 

అడవి మానుల గడపలెల్ల వదిలెనాలేఖ 

లేఖనంది సంతసమొంద ప్రతి మాను

తన గూటిలోనే గువ్వలనాయింటి పెరంటానికంప 

గువ్వలంత  ఆ మానింట ఎన్ని దీవెనలిచ్చిరమ్మ 

ఫక్కుమని నవ్వ కొమ్మ ఎన్ని చివురులు తొడిగెనమ్మ.

********

కనువిప్పు

ఎవరికో కనువిప్పు కలగాలని 

తీగలను చుట్టుకుని మరీ 

ఒంటిని దాచుకుంటుందా మొక్క 

ఎవరికైఉంటుందంటావ్?

*******

మనసు రూపం  

ఆ తామరాకు మీది నీటిబొట్లను 

చుక్కలుగా కలుపుతూ రంగవల్లిని 

రచిద్దామనుకుంటున్నావేమిటోయ్ 

ఎపుడైనా ఓ సారి ప్రయత్నించు 

నీ మనసే రూపంలో ఉంటుందో 

నీ కళ్ళకు కనబడకుంటే నన్నడుగు.

*******