జ్ఞాపకం

జ్ఞాపకం 

క్షణం తీరిక లేకుండా 

స్వాగతాలు సాగనంపడాలతో 

సతమతమౌతూ కూడా 

నేనొచ్చానన్న జ్ఞాపకాన్ని 

ఎంత అందంగా ముద్రించుకుందో 

చూడా తీరం.

******

బీడు

మనసు కరిగించే మధుర గానాన్ని 

వినిపించబోతోందా ఆకాశమని కాబోలు 

ఒళ్ళంతా చెవులు చేసుకుందా బీడు.

*******

నాగలి

ఆకాశం నచ్చచెబితే బెట్టు సవరించి 

మెత్తబడిన ఈ చేలో 

ఎంత అందంగా ముగ్గేసిందో చూడు 

ధాన్యలక్ష్మిని ఆహ్వానిస్తూ ఆ నాగలి.

*******

గాంధీ

తప్పని ఓ పక్కన చెప్పి కూడా 

కన్నీటిలోంచి అత్తరు లోకి 

నవ్వుతూనే పోతున్నాడా గాంధీ.

******