పెళ్లి విందు

పెళ్ళి  విందు 

నీలి మబ్బుల మాటుగా 

ఆయన పై నుండి తలంబ్రాలు పోసాడు 

ఈమె గారు కింది నుండి 

పచ్చలు పైకెగరేసింది 

ఇంకేముంది పసందైన పెళ్ళివిందు 

పరచుకుంది చూడు కనులముందు.

********

ధీమంతురాలు

ఊహలు స్వప్నాలతో 

ఓ వైపు తప్పటడుగులు వేస్తూనే 

ఇంకో వైపు అనుభవాల చేతికర్ర ను వదలని 

ధీమంతురాలు నా మనసు.

*******

కలసిన మనసులు 

మనసులు కలిసేలా 

మాట్లాడుకోవడం ఎలాగో 

కేవలం ఆ చీకటికి దీపానికే తెలుసు.

******