స్వేచ్చ

తనను అణచి కూడా 

ఆకాశమంత స్వేచ్ఛనిచ్చింది 

ఈ మన్నేనని కాబోలు 

మానైనా  ఈ  మన్నునొదలదా  విత్తు.

*******

నే కన్న కలలన్నీ కరిగి 

కను జారి  అలలైనాయని  తెలిసి 

చూడా సంద్రం 

తానుకన్న స్వప్నాలనెలా  దాచుకుందో 

ముత్యాలుగా .

*******

మనకైతే కళ్ళ  నుండి 

ఆ మేఘాలకైతే ఆకు అంచుల నుండి 

జారతాయా ఆఖరి జ్ఞాపకాలు.

******

చూపుడు వేలిని చుట్టుకుని 

ఆ ఐదు లేత వేళ్ళు షికారుకు రావడం 

అప్పుడప్పుడూ లీలగా చూస్తుందీ లోకం.

*******

వియోగాన్ని కూడా 

మెరుపు లాటి మనసుతో ఆస్వాదించడం 

నీకే చెల్లిందని నేను అభినందించేంతలో 

ఎంత బిగ్గరగా ఏడుస్తుందో చూడా ఆకాశం.

********