సంక్షేమం

పేదల జీవితాల్లోంచి 

ఏనాడో కాగితాల మీదకు 

జారుకుందా సంక్షేమం.

*****

అణచివేతతో  అలజడితో 

ఏ ఆత్మీయతా రాదని 

అంటున్నాయా పూలు సుడిగాలితో.

******

కాలి వేళ్ళపై పడి 

దీవెనలందే  ఆ వాగుని 

మనసారా దీవిస్తున్నాయా మానులు 

అక్షతలుగా ఎండుటాకులు రాల్చుతూ.

******

బ్రతికున్నంత కాలం 

కారాగారాల్లో గడిపి 

తరువాత రూపాయి నోట్లపైకెక్కి 

మా నేతింటికొచ్చి 

అజ్ఞాతం లోకి వెళ్తున్నాడా గాంధీ 

పాపం వెలుగు చూసేదెపుడో .

*******