సజీవగీతాలు

సజీవగీతాలు 

మమతానురాగాలు 

పల్లవీ చరణాలుగా వినిపించే 

సజీవగీతాలను విని ఎంతకాలమైందో అని 

తనలోతాను అనుకుంటూ  

ముందుకు సాగుతుందీ కాలం.

********

ముత్యాలు 

అనుమానాలో ఆనందాలో గానీ 

ఆమె కన్నుల వెంట ధారగా జారి 

ఆ కడలి కూడా అసూయ పడేంతగా 

యీతని చేతుల్లో ముత్యాలౌతున్నాయా బృందావనాన.

********

మనసు 

ఎపుడంటే అపుడు 

కన్నీటి తడిని అద్దగలిగే 

గుప్పెడంత చేను 

తన చేతిలో ఉందని కాబోలు 

ఎపుడూ ఏదో ఒక భావాన్ని 

పండిస్తూనే ఉంటుంది నా మనసు.

*******

నదీ పాయలు 

తీగలా మానుని చుట్టుకున్నట్లే 

నదీ పాయలన్నీ 

ఈ పుడమి మేనుని............

********