అద్దం

అద్దం 

నవమాసాలు మోయకుండా 

కాస్తంతైనా పురుటినొప్పులు పడకుండానే 

నవరసాలొలికించే నన్నెన్నిసార్లు ప్రసవించిందో 

నా ఇంటి అద్దం.

******

స్వేచ్ఛ 

స్వేచ్ఛ అంటే ఏమిటని అడిగితే 

తన రెక్కకు నా రెప్పను 

బంధీని చేసిందేమిటో ఆ పిట్ట.

********

నీడ 

వెలుగు ఔదార్యాన్ని 

చీకటి స్వార్ధాన్ని 

ఏక కాలంలో చూపగలదు 

నా నీడ.

******

విజయం 

సాగరమంత 

శ్రమే కాదా విజయం కోరుకునేది 

స్వాతిముత్యమంత 

ఓరిమిని కూడా.

*******