మాతృ భాష

మాతృ భాష 

వినబడకూడదనుకున్న ఆ పంచములన్న శబ్దం 

మనుషులను వదిలి 

మాతృభాషలను పట్టుకుందిపుడు 

ఆ ఆంగ్లపు ప్రభావాన.

*********

బృందావనం 

వెన్నెల్లో సయ్యాటలాడే వారిద్దరి నీడలను 

కదిలే నీటిబొట్లుగా మోస్తూ 

ఆ కొలనులోని తామరాకులను 

వెక్కిరిస్తుందా బృందావనం.

*******

ఆమె  

నా ఇంటి కిటికీలోకొచ్చి నా ప్రతి కదలికను 

ఆమె తన పూల కళ్ళతో 

సి సి టి వి కెమేరాలా షూట్ చేస్తున్నా 

తననేమీ అనలేని మూగవాడినైనాను 

అవును నిజంగా!

మేనంతా పచ్చని ఒయ్యారం ఒలకబోస్తున్న ఆమె 

మెరుపుతీగలాటి అందగత్తె మరి. 

మాధవుడు 

చూపులతో ఓ పక్క 

ఆమె ఒయ్యారపు నడుమొంపులను పలకరిస్తూనే 

చిన్నపుడు ఆ సెలయేటిలో తానొదిలిన 

ఎండుటాకు పడవలను గురుతుతెచ్చుకుంటున్నాడేమిటో 

ఆ మాధవుడు.

*********