అలజడి

అలజడి 

తన అందం చూసుకోవడానికి 

నా చెక్కిలి అద్దాలను కన్నీటితో 

మెరిపిస్తూనే ఉంటుందా అలజడి.

*********

వర్ణాలు 

జీవితాల్లోకి 

ఎన్ని వర్ణాలొచ్చాయో 

వివర్ణం చేయడానికి

ఆ మనసుని.

******

కబుర్లపోగు   

తాను కబుర్లపోగుననిపించుకునేలా 

ఊసులెన్నో చెప్పాలని 

పాదాల మొదలా శిరస్సు దాకా ఎంతందంగా 

ఆ మాను మేనల్లుకుందో 

చూడీ తీగ.

********

శ్రీగంధం   

గాలి సాయంతో 

ఆ మాను నీడను అరగదీసి 

తన మేనుకు శ్రీగంధంలా పూసుకుంటుంది 

ఈ పుడమి.

********