సుమ శరమ్ములు

 సుమ శరమ్ములు 

వారందగత్తెలు 

వారి కనుసన్నలలో అనంత సౌందర్య సాగరపుటలలెగసిపడుతున్నవి 

వారి ఎదల మాటున సురతో, సరితూగగలుగు ఝరులూరుతున్నవి 

ఈ లోకాన మైత్రీ మధురగంధాన్ని పూయగలరు వారు 

కాంక్షా విభావరీ గీతికలనాలపించగలరు వారు 

డోలలూగుతూనే, ఆనందహేలా ధనుస్సులను చేబూని 

గురిచూసి మదిన నాటగలరు వారు 

ఆహ్లాదమను సుమనశ్సరమ్ములు 

వారింద్రధనుస్సులను పెదవులపై శ్రుతించి 

ఆ పిలుపులతో అందరి మదినేలెడి ప్రాభావమ్మున్నవారు 

విలాసాహాసిత చుంబన ప్రబంధాలనెన్నో 

గాలివాటున రాయగల ప్రాజ్ఞులైయుండి కూడా 

వారిపుడు మరులుగొని చేరెనో చెలీ నా చెంత 

నీ వాల్జడన కొలువు గోరి.

********