రైలు బోగీ

రైలు బోగీ 

ఈ చిగురుటాకుల నుండి 

ఆ పండుటాకుల వరకు 

పెద్దకొడుకైంది 

కాలి ఆ రైలు బోగీ.

*******

ఆ రైలు బోగీ సాక్షిగా 

అంతిమ సత్కారానికి కూడా నోచుకోని 

చావులెన్నో.

*******

కలల పంట 

నాగేటికి కట్టిన ఆ ఎద్దుల గంటల చప్పుడులో 

నా ప్రియురాలి కాలి మువ్వల సవ్వడి విన్నాను 

మొలిచిన మొలకల్లో 

గిలిగింతగా ఆమె పిలుపులు విన్నాను 

ఆ పిలుపులు పాటలైన అనుభూతులతో 

ఎంత పచ్చగా ఈ లోకాన్ని పలకరించానో 

మేనంత ఎదిగిన ఒయ్యారంతో గాలికి నాట్యమాడుతూ 

సౌందర్య దేవతకు పట్టు పీతాంబరమై అమరిన ఆమె మేను 

నా తలపుల పండి ఒంగిన వేళ నా కలల పంటనిదిగో 

ఇలా తూర్పారబట్టుకుంటున్నాను.

**********

 మేఘాల కంబళి 

గ్రీష్మం ఎండలకి సెలవని 

వర్ష ధారలతో చెబుతూ 

చలికి తట్టుకోలేకో ఏమో నల్లని మేఘాలనలా 

కంబళిలా కప్పుకుంటుందా ఆకాశం.

*********

తివాచి 

పుట్టబోయే పువ్వులాటి బిడ్డలు 

ఒడి జారితే ఎక్కడ గాయపడతారో అని 

మాసం ముందుగానే తన కింద 

ఆకుల తివాచి పరచిందా మాను.

********