నాలుగు రాళ్ళు

నాలుగు రాళ్ళు

నాలుగురాళ్ళు 

వెనకేసుకోమనా పెద్దలంటే 

ఏకంగా నాలుగు కొండలనే 

వెనకేసుకున్నాడా నేత.

*******

శంఖం  

ఏ దూర తీరాలను చేరినా

పుట్టింటి పలుకులనే వల్లెవేసే 

ఆ శంఖాన్ని చూసి 

ఏమి నేర్చుకోవాలంటావ్ 

ఈ ఎగిరెళ్ళే యువతరం.

********

రాగాలాపన 

తన గొంతు పిసుకుతున్నా 

నీ శ్వాస సీమలో 

తన మనసుతో ఎన్నెన్ని 

రాగాలాలపించగలదా పువ్వు.

*******

వీలునామా 

తన ఒయ్యారపు వీలునామా 

చెల్లుబాటు కావడానికి 

ఆ ఆకాశపు చేవ్రాలు కోసం 

ఎదురుచూస్తుందా గోదారి.

*******