ఆంగ్లపు తేరు

ఆంగ్లపు తేరు 

పనికిరానివనిపించుకుని 

ఈ తోట నోటా పూల సహజ పరిమళాలు 

అగరాబత్తులై వెలుగుతున్నాయి 

ఊరేగే ఆ ఆంగ్లపు తేరుపై.

*********

తల్లి  

ఆ పసివాడి పూర్ణచంద్ర హాసిత మోముపై 

రెండు నెలవంకల విల్లెక్కుపెట్టి మరీ గురిచూసి 

ఎన్ని ముత్యాల సరాలను సాధించిందో చూడా తల్లి 

సరస చుంబనాల పరిష్వంగాన.

***********

అతిథులు 

సంపదతో వెలిగిపోతున్నప్పుడు 

అతిథులెందరో వస్తారని విన్నానుగానీ 

మరా అమాశ నిశిలో ఏమిటోయ్ 

అంతమంది అతిథులొచ్చారా ఆ ఆకాశపుటింటికి.

*********

నా హృదయం 

బద్దలై ఇన్ని అందాలుగా 

పరిణమించిన విశ్వాన్ని చూసి 

నీ విరహాన బీడై కూడా 

ఇన్ని అందాలనూహించడం నేర్చింది 

నా హృదయం.

*******