అందాల జంట

అందాల జంట 

గాఢ ఆలింగనంలో 
ఒకరికోర్కెకొకరు కరిగిపోయే 
అందాల జంట ఈ రేయింబవళ్ళు 

ఆ సంధ్య సాక్షిగా.

*******

దాగుడుమూతలు 

నేను నేనేనా అనే అనుమానపు లోతుల్లో 

నాతో నీవాడే దాగుడుమూతలే 

నాకు చీకటి వెలుగులైనాయి.

*********

ఇల్లాలు 

అలసి ఇంటికొచ్చిన ఇల్లాలికి 

కాసిని మంచినీళ్ళైనా 

ఇద్దామని లేదా కడలికి 

ఆ మాటకొస్తే........

*********

జ్ఞాపకాల మాల 

విరహం కన్నా గొప్పగా 

జ్ఞాపకాల మాలను 

కట్టగలవారెవ్వరోయ్?

*******

మత్తు 

మత్తెక్కక పోతే 

నిటారుగా నిలబడలేదోయ్ 

ఆ కలల కుంచె.

********