జ్ఞాపకం

జ్ఞాపకం 

నాకు నీడనిచ్చిన జ్ఞాపకాన్ని 

నాతో పాటూ బూడిదౌతూ 

గురుతు తెచ్చుకుందా మాను.

*********

స్తన్యం 

వట్టిపోయిందని చెలి తన ఎదను చూపితే 

అరుస్తూ రోదిస్తూ ఆకాశం నుండి 

ఆ ప్రియుడు దిగొచ్చాడంతే 

ఇక చూడామె ఎన్ని మొలకలకి 

తన స్తన్యాన్ని పడుతోందో.

*********

నల్లని పుష్పం 

ముడుచుకోవడం వికసించడం తప్ప 

వాడడం అంటే ఏమిటో తనకు తెలీదంటూ 

నేలకు మాత్రమే తన పరిమళాన్ని పంచే 

నల్లని పుష్పమే నా నీడ.

********

మానవత 

నాగరికతెంత వికసించినా 

అంటరాని తనాన్ని 

వదిలించుకోలేక పోయిందెందుకో 

ఈ మానవత.

********

పబ్ 

మిణుగురుల్లాటి మసక దీపాల కింద 

గుడ్లగూబలంత వికారంగా 

మన సంస్కృతిని తక్రిందులు చేసిన 

గబ్బిలాలు కొన్ని మత్తులో 

చిందులేస్తున్నాయా పబ్బులో.

*********