బ్రతుకు దారులు

బ్రతుకు దారులు 

వాడిపోయిన పూలే కాదు

వికసించాల్సిన మొగ్గలు కూడా రాదారులపై

 బ్రతుకుదారులు వెదుక్కుంటున్నాయి.

********

చేవ్రాలు 

కరగబోతున్న తమ అందాలు 

నాకు చేరాలని మెరుపు తీగలతో 

చేవ్రాలు చేస్తున్నాయా మేఘాలు.

********

దీపం 

ఎన్ని చీకట్లు కమ్ముకుంటేనేం నా జీవితాన 

నా హృదిలో ఇంకా 

దీపం శ్వాసిస్తూనే ఉంది.

******

కాలం 

అందరి జీవితాలు 

వడ్డించిన విస్తర్లే 

కానీ మనసుపడి 

కొందరి విస్తర్లలో కొన్నిటిని 

ఆరగిస్తుందీ కాలం.

******