ముక్కుపుడక

ముక్కుపుడక 

తావిని మోయలేకా గాలికి పట్టిన 

స్వేదబిందువొకటి జారి 

ఆ పువ్వుకు ముక్కుపుడకైంది  అదిగో అలా .... 

*******

ప్రకృతి 

జీవిత ప్రాంగణంలో 

మనిషి వేగంగా పరుగెత్తడం 

మొదలెట్టిన చోటే ఆగిపోయింది 

అసలు ప్రకృతి. 

********

తోడు 

సుఖదుఃఖాలను  చెప్పుకోవడానికి 

ఆ రాదారికి కూడా 

కుడిఎడమల మానులున్నాయి 

కానీ బ్రతుకు రాదారిపై నీకో ....?

********

మగత 

తానెవరిని మత్తెక్కించాలని 

మగతగా అడుగుతుందా నిద్ర 

పబ్బుల వెంట తిరుగుతూ. 

********