నాదు మనసు

నాదు మనసు 

గాయపరచే ముళ్ళను తోడుంచుకున్న 

పువ్వు కన్నా 

గాయపడి గుండెకు కన్నీళ్లను ధారవోయు 

నాదు మనసెంతో మృదువైనది గాదే.

*******

చీర 

వాడు మోయలేని అప్పులతో సహా 

వాడిని ఎంత సునాయాసంగా మోసిందో చూడు 

వాడు అల్లిన ఆ నూలుపోగుల చీరె.

********

అద్దం 

భూమి మొత్తాన్ని పట్టి చూపగలిగే 

అద్దమెక్కడ ఉందని అడిగిన గాలికి 

తనపై నీటిబొట్టును చూపింది 

ఆ గరిక.

*******

నాగరికత  

దీపం చీకటిని పోగేయడంతో సమానం 

నాగరికత 

ఆ వినాశనాన్ని పోగేయడం.

********