అద్దం-అందం

అద్దం-అందం 

ఆమెతో ఆమె అందాన్ని ఒప్పించే సరికి 

పాపం ఎంత ఆయాసమొస్తుందో 

ఈ అద్దానికి.

******

జాలం 

మీనాల కోసం కాదు 

ముత్యాల కోసమీ జాలమల్లుతున్నానంటూ 

తెల్లవారే సరికి నిజంగానే 

తన జాలాన చిక్కిన ముత్యాలను 

వేలానికి పెట్టింది ఆ సాలీడు 

మెరుపంటి చూపులతో పాడుకొమ్మంటూ.

*********

అందాల కావ్యం 

తనపై తానే అందాల కావ్యాన్ని రాసుకోవాలని 

పరిమళించిన తన భావాలనెలా 

నాతో పంచుకుంటోందో 

చూడీ పుడమి తొలకరిన.

********

నెలవు 

అలజడుందని అలవాటైన నెలవునొదిలి 

తాను చేసిన తప్పింకెవ్వరూ చేయొద్దని 

గిలగిలా కొట్టుకుంటూ ఎలా చెబుతోందో 

చూడా గట్టున పడ్డ  చేప.

********