చిలిపి ఆశ

ఆకాశం అద్దమైతే

సముద్రం నీ వదనమైతే

నీ ప్రతి చిరునవ్వు అల

తీరాన్ని చేరేలోగా

ఆకాశాన్ని ముద్దాడాలని

నాకెందుకో చిలిపి ఆశ.

*******

ఎంత స్వార్ధం నీలో లేకపోతే

నా క్షణాలను నియంతలా పాలిస్తావు

ఎంత ప్రేమ నీలో లేకపోతే

ఆ ప్రతి క్షణంలోనూ

నీ కరుణ నాపై కురిపిస్తావు.

*******

నీ పరిచయం

ఏమి మిగిల్చింది నాకు

నాలో లేని నన్ను తప్ప

నీ అజ్ఞాతం

ఏమి మిగిల్చింది నాకు

నీకై వెదికే నన్ను తప్ప.

*******