సిద్ధాంతాలు-రాద్ధాంతాలు

సిద్ధాంతాలు-రాద్ధాంతాలు 

తీపో! చేదో!తనకూ కొన్ని అనుభూతులుండాలని 

ఈ కాలమే కోరుకుంటుందేమోనోయ్ 

అందుకే ఇన్ని సిద్ధాంతాల పూమాలలను వేసుకుని 

రాద్ధాంతాల ముళ్ళపై అదే పనిగా నడిచెళ్లిపోతుంది 

పరిమళాన్ని మెచ్చేవారు కొందరైతే 

పదునుకు నొచ్చేవారు కొందరు కదా!

అందుకే మనిషి పుట్టిన నాటి నుండీ నేటి దాకా 

పదునుకు, పరిమళానికీ నడుమ పెనుగులాట తప్పనూలేదు 

సామూహిక చితిమంటలు ఆరనూలేదు. 

*********