తల్లి

తల్లి 

ఒడి లోకి వాడు తెస్తున్న 

నవ్వుల వసంతాన్ని వర్ధిల్లమంటూ 

తన కన్నుల!

శిశిరాక్షతలను చల్లుతుందా తల్లి. 

**

ఎదలోని విషాదాన్ని 

ఒడిలోని నవ్వులపై ఒంపితే!

ఆమె తల్లెందుకు ఔతుందోయ్!

**

సూది మందు 

ఎంతగా బాగుపడిందో చూసావా!

ఆ బీడు ఆరోగ్యం 

సూదిమందు వేసే సరికి ఆ వాన చినుకులు. 

******

ఉరుము  

పైకి రమ్మంటూ ఈ పుడమిని!

మెరుపంతటి కాలిబాటలు వేసి ఆహ్వానిస్తే 

ఒక్కసారి కూడా రాదేమంటూ 

అలా అరుస్తుంటుంది! ఆ ఆకాశం. 

*******