మొట్టికాయలు

మొట్టికాయలు 

మొట్టికాయలంటే ఎంత ఇష్టం లేపోతే 

వాన వెలిసాక కూడా 

ఆ ఆకుల నుండి జారే నీటి బొట్లతో 

మళ్ళీ మళ్ళీ ఈ నేల అలా.....

********

పూల చరిత్ర 

పట్టు బట్టి మరీ ఆ పూల చరిత్రని 

గ్రంథస్థం చేస్తున్నాయి 

ఈ తేనెటీగలు.

********

వాన చినుకు 

నిండు జాబిలిలా 

తనను తాను అలంకరించుకుని 

ఆనక ఈ పుడమికి వన్నెలద్దుదామని 

తనను తాను ఎలా బ్రద్దలు చేసుకుంటుందో 

చూడా వాన చినుకు.

********

రాదారి 

వెలిగే వీధి దీపాలై ఆ పూలు 

నా చూపులు నడిచే 

రాదారిగా చేసాయీ తీగను.

*******