మనసుంటే మార్గం....

మనసుంటే మార్గం....

మనసుంటే మార్గం ఉంటుందని,

ఆ ఎండమావిని కూడా 

అలలెగసి పడుతున్న కడలిగా మార్చి 

నావగా తానెలా సాగిపోతోందో 

చూడా ఎండుటాకు.

********

మనసు తలంపు 

తమను సాగనంపి 

తాను తేలికబడదామనుకున్న 

ఆ మనసు తలంపు 

తేరేది కాదంటున్నాయా కన్నీళ్లు అప్పుడప్పుడు.

********

ఇంద్రధనుస్సు 

కట్టడానికి నారే గనుక ఉండి 

బాణాలు వేయడం మొదలెడితే ఆ ఇంద్రధనుస్సు 

తమకా దేవుడి మెడనలంకరించే 

భాగ్యమెక్కడిదంటున్నాయా పూలు.

*********

రక్త పిపాశులు 

ఇంత రక్త పిపాశులైయుండి కూడా 

చరిత్రలో స్థానం సంపాదించలేక పోయాయేమిటోయ్ 

ఆ దోమలు.

*******