మరుభూమి

మరుభూమి

ఆరిన దీపాలతోనే 

దీపావళి చేసుకుంటుంది 

ఆ మరుభూమి. 

*****

ఊహలు

విషాదాన్ని వేరు చేసి 

నాతో ఆనందపానం చేయించే 

హంసలు కాదటోయ్ 

నా ఊహలు. 

*****

విషాదం

ఎన్ని అశ్రుధారలనైనా 

కాదనక సేవించింది గానీ 

రెండంటే రెండు ఆనందబాష్పాలు 

తన గొంతు జారక 

ఎలా ఉక్కిరిబిక్కిరి అవుతోందో చూడా విషాదం. 

*******

విలువలు

నాధుడనే వాడు వదిలేసాడని 

ఏనాడో పుస్తకమనే పుట్టిల్లు 

చేరాయా విలువలు. 

*******

కల

బద్దలై పోతున్నట్లు 

తెల్లారుతుండగా కలొస్తోందంటూ 

బావురుమంటున్నాయా కొండలీమధ్యనెందుకో 

*******