నిజం

నిజం

నీ కన్నుల కన్నా 

ఎక్కువ లావణ్యాన్ని సంపాదించాలని కాబోలు 

ఆ పూవులన్నీ అప్పుడే ముడుచుకున్నాయి 

రోజు గడిచింది. నిజం తెలిసింది. 

బాధతో అవి వాడిపోయాయి. 

*******

ఏకాంతం

నా ఏకాంతాన్ని చూసి 

జాబిలి మబ్బు చాటైతే,

కలువ ఏకాంతాన్ని చూసి 

ఆ మబ్బు కాస్తా కరిగి 

నీపై నా సందేశాన్ని కురిపించింది. 

********

ఎదురుచూపు 

తొలిపొద్దు లో ఆకాశంలో రేగిన విప్లవానికి 

ఆదిమూలం, నీకై ఎదురుచూస్తూ విసిగిపోయిన 

నా హృదయం కాక ఇంకేమిటి?

********

ఆమె

ఎందుకు ఆకాశం లోకి 

అదే పనిగా చూస్తావు అని ఆమెనడిగాను. 

చూడనీ ఆమె తన చూపులతో 

నక్షత్రాలను వెలిగిస్తుంది 

అని ఆకాశం బదులిచ్చింది. 

*******

జ్ఞాపకాలు

అమ్మో! నీ జ్ఞాపకాలను లెక్కించడమంటే 

నూరేళ్ళ నా శ్వాసలను 

తారలతో గుణించడమే 

ఐనా ................. 

*******