శిల

శిల 

శిల శిల్పమైనదని 

నీడనిచ్చిన మాను 

మెడలో హారమైనది.

******

కాంతిసీమ 

కాంతిసీమకామె కాటుక రేఖను 

కావలి బెట్టిందని కాబోలు 

చీకటి ఖైదు లోకి 

జారిపోయిందా మెరుపు తీగ.

********

ఆడది 

అణచుకోవడం చేతకాక బ్రద్దలై 

అది విశ్వమైంది గానీ 

అణచుకోవడం నేర్చి బ్రద్దలవకుంటే అదీ 

ఆడదే అయ్యేదేమో.

********

బాల్యం  

ఆట, పాట  

అనురాగము, ఆప్యాయత అనే 

నలుగురు బోయీలు మోసే 

పల్లకీలో ఎక్కి ఊరేగి 

ఎన్నాళ్ళయిందో ఆ బాల్యం.

********