జోలపాట

జోలపాట

నడిరోడ్డుపై, కాసింత కారుణ్యానికై

వేదనతో జోలె పడుతున్న తల్లి
ఆక్రందనలో పడి,కొట్టుకుపోతున్న జోలపాటనెలా పట్టుకుని
నిద్దరోతోందో ఆ ఒడిలోని శిశువు.

*******

ఐకమత్యం

నేటి కాలాన

ఐకమత్యం సాధించే

నిష్ఫలమేమిటో చెప్పనా!

పూలన్నీ దండగా మారి,

దండగమారి నేతల పాల్బడడమే.
********

మానవత

అన్ని కన్నీళ్ళను చల్లినంత మాత్రాన

సొమ్మసిల్లి పడిపోయినా మానవత

లేస్తుందా? చెప్పు.
*******

అద్దం

కదలకుండా నిలబెట్టి

నన్ను నిలువుదోపిడి చేస్తూనే!

తనపై నవ్వుల పూలు వేయించుకునే

కళనెక్కడ నేర్చిందో ఈ అద్దం.
*******