జాబిలి -కలువ

జాబిలి -కలువ

నీ చెక్కిలిపై విలాసంగా నవ్వుతున్న 

నన్ను నేను చూడకనే 

కలువలై విచ్చిన నీదు కన్నుల జూచి!

ఎక్కడా? ఆ నిండు జాబిలని వెతికాను. 

*******

కొంటె కోణంగి

కవ్వించి, కవ్వించి నింగి వెలుగులను దాచేసే 

ఆ కొంటె కోణంగేనా! 

కరిగి, కొసరి కొసరి ఇన్ని అందాలను 

దానమిచ్చేదీ అవనికి. 

*******

గుణపాఠం

ఎదురు లేదంటూ చెలరేగే గాలికి, 

వెదురు తగిలి నేర్పే గుణపాఠం 

ఈ జన్మకు మరువగలవా నువ్వు. 

*******

చిరంజీవులు

పూస్తున్న ఉరికొయ్యల సాక్షిగా,

నా దేశాన! ఆడదాని భయము,

మగవాడి అహంకారము రెండూ చిరంజీవులే.

 *********