ఆకాశం దిగొచ్చింది
ఎవరు చూడగలరు
యకాయకి ఆకాశం నుండి బయలుదేరిన
ఆ చినుకు ప్రస్థానాన్ని
ఎవరడగగలరీ నేలని నీ గుండె కరిగేంతగా
నీతో ఏమి చెప్పిందా చినుకని
ఎవరు చూడగలరా తోటలోని ఏ పువ్వులో
తను కనుతెరిచిందా చినుకని
ఎవరడగగలరీ గాలిని పువ్వైన ఆ చినుకు స్పర్శను
మా గుండెలకద్దమని
అపుడు ఎవరు మాత్రం కాదనగలరు
నీ గుండెల సడిని నేర్వాలనుకుని
తను చినుకై దిగొచ్చింది ఆ ఆకాశమని
No comments:
Post a Comment